jueves, 22 de junio de 2017

EXPOSICIÓN "UNHA MIRADA AO PASADO. EVOLUCIONAMOS" - VISITA DAS FAMILIAS

Este martes convidamos ás familias a visitar a exposición "Unha mirada ao pasado. Evolucionamos". Moitas grazas por acudir e tamén a todas as persoas que fixeron este proxecto posible grazas ás súas aportacións.






martes, 20 de junio de 2017

VISITA DO CSIC

Preme na imaxe e accederás á información sobre a visita que nos fixeron Luisa, Eva e Marta do CSIC (Consello Superior de Investigacións Científicas).
Os/as nenos/as aprenderon unha morea de cousas sobre os animais mariños, moitas grazas!



EXPOSICIÓN: UNHA MIRADA AO PASADO

Presentámosvos a exposición "Unha mirada ao pasado: Evolucionamos" á que podedes acudir nos recreos. 
Contamos coa colaboración Navia, Uxía, Paula e Zeltia, unhas guías fantásticas que vos explicarán todo o que precisedes.
Grazas ás familias polas valiosas aportacións, invitámosvos a visitar a exposición este martes de 16:30 a 17:30.














jueves, 15 de junio de 2017

GRAZAS AXUDANTES DE BIBLIOTECA

As mestras e mestres do cole estamos moi orgullosas/as do equipo de axudantes da Biblioteca, nenas e nenos que asumiron un compromiso importante ao longo do curso e que demostraron día a día ser uns rapaces e rapazas moi responsables.
Fixeron un gran traballo e quixemos agradecerllo cuns agasallos, parabéns!



PRESENTACIÓN: INVENTOS CON HISTORIA IV

O pai de Xela transportounos hoxe á entrañable época do vinilo. Puidemos gozar do envolvente son do tocadiscos, e comprobamos que a súa música é dunha calidade incomparable fronte a almacenada nos CD´s dixitais de hoxe en día.
Grazas por este fermoso momento! 





PRESENTACIÓN: INVENTOS CON HISTORIA III

Tivemos unha nova visita no cole, a avoa e o avó de Inés e Nico viñeron cargadiños de inventos moi interesantes.
Grazas a eles/as viaxamos ao pasado, a tempos nos que a radio ensinaba, entretía e axudaba a desenvolver a imaxinación.
A máquina de escribir non tiña memoria nin programas de autocorrección, o teléfono non tiña tarxetas de memoria, xogos, internet, nin "tamaño bolsillo". 
Ademais, grazas ao almirez e ó molinillo recrearon un "mini taller" de aromas e sabores que esperamos ampliar nos próximos días.
Moitas grazas!


martes, 13 de junio de 2017

CLUB DE LECTURA: VISITA DE AN ALFAYA

Onte tivemos un Club de Lectura moi especial, visitounos An Alfaya para falarnos das súas obras, e concretamente, do seu libro "O fío vermello"




lunes, 12 de junio de 2017

TALLER DE ESCRITURA

E chegou a derradeira sesión do Taller de Escritura, moitas grazas rapaces/as por compartir con nós a vosa creatividade, por emocionarnos cos vosos escritos e por ser tan entusiastas e participativos/as.
Esperamos contar con vós o vindeiro curso!

OBRADOIRO DE ELECTRICIDADE

Nuria e os seus robots seguen a visitar as diferentes clases do cole, unha das últimas afortunadas foi a de 1ºA, preme na imaxe para ver o vídeo no seu blog.
http://pajaritaspapel.blogspot.com.es/2017/06/nuria-y-sus-robots.html

jueves, 8 de junio de 2017

CLUB DE LECTURA: 35 KILOS DE ESPERANZA

O pasado martes tivemos a última xuntanza do Club de Lectura e foi para poñer en común as nosas impresións sobre o libro "35 kilos de esperanza" de Anna Gavalda. Foi unha lectura ben acollida entre o alumnado na que nos falan da importancia de aprender a coñecerse a un/unha mesmo/a e de esforzarse día a día para acadar as nosas metas. 
Dende o Equipo de Biblioteca queremos dar as grazas aos nenos/as do Club de Lectura pola súa implicación neste proxecto, por amosarse sempre tan participativos/as e interesados/as nas lecturas e actividades propostas.
E para rematar, uns agasallos de despedida, vémonos o vindeiro curso na Biblio!

OBRADOIRO DE ELECTRICIDADE

O venres pasado os nenos e nenas de 4ºB de Educación Infantil tiveron unha visita cargada de sorpresas.
Nuria, a nai de Yeabsira e Wube, é profe de tecnoloxía e veu a explicarnos o funcionamento de diferentes máquinas e circuitos, timbres, un ascensor, un muiño e incluso trouxo dous scornabots! un deles estaba programado para seguir un circuito e o outro para parar cando se lle presentaba un obstáculo.
Os/as nenos/as puideron experimentar e participar en todas as experiencias que nos propuxo Nuria e pasárono de marabilla.
Moitas grazas Nuria, esperamos volver a verte pronto!
 

miércoles, 7 de junio de 2017

VISITA DO ESCRITOR OLI

Oli, o autor do libro "O rato avó e o muraño" achegouse ao colexio para falar connosco do seu libro.
Tamén recitamos un poema seu das "Once damas atrevidas", que o temos na biblioteca.
Logo firmou os libros.

lunes, 5 de junio de 2017

CIENCIA NA BIBLIOTECA: OS GASTERÓPODOS

Continuando cos obradoiros científicos da profe Tere, aquí vos deixamos unhas fotos da sesión que dedicou a coñecer máis en profundidade aos gasterópodos.
Os nenos/as quedaron con ganas de máis, así que, a seguir investigando rapaces/as!




PRESENTACIÓN: INVENTOS CON HISTORIA II

Hoxe foi un día moi especial xa que recibimos a visita do “avó Pepe”.
É o avó das nosas compañeiras Erea e Iris e ensinounos o uso dun invento moi curioso: o pizarrín. Cando el era pequeno, o caderno só se usaba para escribir as cousas moi importantes que merecesen ser gardadas. Para todo o demais, escribíase co pizarrín. Para escribir no papel tiñan outro invento: a pluma, que era moi fráxil e precisaba de elaborar a tinta. 
Tamén nos explicou como os nenos/as elaboraban os seus xogos favoritos: o trompo e as canicas, antes de que se puidesen comprar con tanta facilidade como agora. Ensinounos a lanzalo e algúns trucos para xogar con el e gañar sempre. É un gran artista, grazas Iris e Erea por compartilo connosco!





jueves, 1 de junio de 2017

PRESENTACIÓN: INVENTOS CON HISTORIA

Durante estas semanas dende a biblioteca estamos facendo unhas viaxes ao pasado espectaculares, e todo isto a partir duns inventos antigos que nenos/as e familias están vindo a presentar ao cole. 
Nesta ocasión, da man de Maló e Ainara descubrimos como eran as planchas antigamente e como se empregaban o molinillo de café e a balanza. Isto fainos pensar en canto cambiaron as cousas en pouco tempo!
Moitas grazas Ainara e Maló!











CONTACONTOS: SABELA GAGO

Cada día temos unha sorpresa nova na biblioteca! 
Esta vez tivemos a sorte de contar con Sabela Gago, que trouxo consigo contos cargados de aventuras e emocións. Tanto os nenos/as como as profes gozamos moitísimo, grazas Sabela Gago! 
 

4ª QUEDADA LITERARIA

Aquí vos deixamos as fotos da 4ª Quedada Literaria.
Os nenos e nenas pasaron unha xornada marabillosa compartindo momentos de lectura con alumnado doutros coles e en contacto coa natureza.


Quedada Literaria Maio 2017 - Kizoa Editar Videos - Movie Maker

lunes, 22 de mayo de 2017

4ª QUEDADA LITERARIA

Mañán martes 23 de maio o alumnado de 5º de primaria vivirá una xornada moi especial, xa que terá lugar a 4ª Quedada Literaria no Parque de Castrelos.
Deixámosvos aquí toda a información.
 



sábado, 20 de mayo de 2017

VISITA Á BIBLIOTECA AFUNDACIÓN

O pasado xoves 11 de maio as nenas e nenos de segundo visitaron a Biblioteca Afundación. 
A Biblio do cole é moi chula, pero a estes/as lectores tan entusiastas encántalles descubrir novos espazos de lectura. Tiveron a oportunidade de coñecer libros interesantísimos, puideron compartir cos compañeiros/as momentos de lectura, fixeron o carné e incluso levaron libros prestados.
Ademais, tamén contribuíron a renovar os libros da Biblio intercambiando libros que levaban do cole por libros que tiñan alí. E se non atopaban ningún do seu interese, dábanlle un vale para que puidesen volver noutro momento a coller outro libro do seu gusto. 

jueves, 4 de mayo de 2017

CLUB DE LECTURA: VISITA DE MÓNICA RODRÍGUEZ

A Biblioteca impregnouse onte das cores cálidas do deserto e da nobreza das súas xentes grazas a Mónica  Rodríguez e o seu libro “La bicicleta de Selva”. A autora visitou o noso Club de Lectura, transmitíndonos  a importancia de "ler co corazón" (sentindo  e saboreando cada liña), e a importancia de por o corazón en todo aquilo que se escribe.  Só así, unha historia e uns personaxes sinxelos como é o caso de Selva, poden  rezumar vida e mostrarnos unha inmensidade de mundos e sentimentos  escondidos baixo cada palabra.
Grazas Mónica por animarnos a ler, por ensinarnos a “ler co corazón” e por animarnos a amar a lectura!

BIBLIOPATIO III

A Bibliopatio deste trimestre tivo un toque diferente, xa que esta vez tivemos 
que pensar nunha persoa importante para nós á que realizarlle un dos mellores regalos que se poden facer: UN LIBRO.
Curioso, o alumnado de infantil e primaria, foise achegando ao carriño e escollendo a lectura que máis se axustaba á persoa que tiña en mente. Acompañaron este agasallo dun marcapáxinas no que puideron escribir dedicatorias cargadas de cariño e gratitude.